للاديبه الشاعره / هـــاله شوكت
هى ليه الدنيا كده غدارة
ليه كل شويه تسقينا المراره
انا ليه مش لاقيه مكاني فيها
وفين يعيش الي زي فيها
ليه كل واحد طيب فاكرينه عبيط
يطنطط عليه قليل الاصل تنطيط
ليه التواضع فاكرينه خيبه
بقي يعني لما ابقي مغرورو ابقي هيبه
اخد منك واشيل عنك الهم
تقول علي خيبه ولاتهتم
ليه فاكر تضحيتي ليك حق
ليه مش عاوزني فيوم اقولك لا
بشوف فيكي يادنيا عجب العجاب
الحب فيكي يادنيا مالوش احباب
انا لازم ابقي قويه حبه
واقول لقلبي قلل شويه م المحبه
اقول زميلتي وحبيبه
اشيل عنها بقلبي بطيبه
تقول علي عبيطه وخيبه
امشي بقلب مفتوح لكل الناس
تقابلني قلوب بلا احساس
الكل بيدور علي مصلحته وبس
مش لاقيه حد بي يوم حس
طب اعمل ايه فقلبي يتغير
كبير وقلي عمري مهبقي صغير
تحيره قلوب الناس ميتحير
تجرحه قلوب وهو ميتغير
اقوله اقوي ياقلبي حبه
يبعد شويه يرجع زايد محبه
خلاص انا هعمل ايه معاه
خلاص هسيبوا بقي تربيه الحياه
بس لو جاني يشتكي يقول ال اه
هقوله ابعد بعيد مش قولتلك تبقي حديد
لقيتك بتحن وراجع للي بعوك من جديد
خلاص عيش بقي مدمت وياهم سعيد
متجيش تشتكيلي تاني
متجيش عمرك مهتبقي اناني
قلبي انا
بقلمي هاله شوكت
30 9 2016
ليست هناك تعليقات:
إرسال تعليق