الحلم الغلبان
للشاعر الراقى / سعيد العزازي
من يوم ما جيت علي الدنيا
وانا حلمي ده . بسيط غلبان
قنوع وراضي بالمقسوم
ومش طالب اكون سلطان
يدوب أعيش علي قدي
وما أطلبشي ف يوم أحسان
أربع حيطان بس تؤيني
مش طالب أنا فدان
وهدمة دي تستر الجته
تدافيني وانا بردان
مابحلمشي أكون باشا
ولا أكون مره م الأعيان
عايز أعيش بس بكرامتي
أعيش فيها يدوب أنسان؟
أتاري دا حلمي سجن كبير
وعليه يجي متين سجان
ألقاهم دا رافضيني وكارهني
ومنبوز جوه اوطاني كما الجربان
وكأن ذنبي ف الدنيا أكون غلبان!!
ما فيش عندي بيت ولا متوه
ولا يوم هدمة تسترني وانا عريان
لا أنا من حقي أكون فيها ولا بينهم
ولو هاعيش أنا بينهم اعيش متهان
محروم . ومرفوض جوه أوطاني
وممنوع حتي أكون أنسان!!
سعيد العزازي
ليست هناك تعليقات:
إرسال تعليق