فرصه
للكاتب الاديب / وحــــيد احمد
-------
تعالى نصحى فى قلوبنا السماح
خلى السماح علاج الجراح
بلاش نضحى بعمر راح
ونبيع حب غالى لليلنا صباح
لاهتحس بحب غيرى
ولافى حضنه ترتاح
ولاكلمه حب تهز قلبك
ولاغرام من غيرى مباح
انا حبك --انا عشقك
انا قلبك مليان براح
طعم حبك مش هتلاقيه
فى غير قلبى متاح
عارفه ليه مش هتلاقيه
----- الحب بتحكمه الارواح -----------
اسمع من غيرى مليون بحبك
مش هتحس بطعمها
ورينى حب يجرى فى دمك
ولمشاعرك يهزها
خلى غيرى فى حصنه يضمك
هتلاقى حنانك ردها
مش هترتاح الا فى حضنى
دى قلوب عشقت بعضها
انا لسه على وعدى باقى
باعتلك همسه للتلاقى
هعطيك فرصه اشواقى
تحضنك ونقول سماح
تعالى نرجع ليالى السهر
نرجع نتونس بالقمر
حرام الحب يضيع هدر
خلينا ملايكه بلاش بشر
ونطير ونفرد الجناح
الحب بتحكمه الارواح
---------------------
وحيد احمد
ليست هناك تعليقات:
إرسال تعليق