للاديبه : Sania Abd Elrazik
بإيدينا إيه ؟؟ غير نسامح
اللي جانا في يوم و اعتذر !
بإيدينا إيه ؟؟ غير نحاول
نُجْبُر خاطرنا اللي انكسر
بإيدينا إيه ؟؟ والأكيد
الغالب فينا عمره ما انتصر
هي كلمة .. بس كلمة
قولها تلقى كُل الكلام اختصر
القلب راضي
لكن العقل مِنْه ازدٓجٓر
إزاي حبيب خان و باع
و القلب لرجوعه انتظر ؟
قال القلب : ده الحب اللي يوم
ملك حياتك و ذاع صيته و انتشر !
وكل عاشق كان ليكوا حاسد
على قصة يوم بيها انبهر
ده كان كل واحد عايش بذكرى
شالها عندي و ذكريات تانية ادّخر
سخر العقل من كلامه
و قال : نسيت إنه يوم ليا احتقر ؟
كان عندي له رصيد
باعه كله لحد ما يوم افتقّر
داوي نفسك الحب خلاص انتهى
قدام كرامتي شنق نفسه و انتحر
ليست هناك تعليقات:
إرسال تعليق