يا مسهرنى ( أشعار كرم محمد )
يا مسهرنى ايام و ليالى
و خيالك ما يفارق بالى
اوعى تغيب عنى ثوانى
و تحيرنى و تشغل بالى
قلتى انا ما اقدر اغيب
ده انت ليه اعز حبيب
لكن هى حقيقى سيبانى
و جوا النار كمان فيتانى
رجعت و قالت تانى
ما حبعد و لو ثوانى
انا كل لحظه معاك
حتى فى حلمى انا وياك
مش عارف اصدق مين
القلب و لا العين
القلب بيقول معاه
و العين مش شايفاه
و بيرجع يسأل مالك
ايه الى غير حالك
أقوله و لا أخبى
و ادارى النار فى قلبى
خلاص حقول يا قلبى
مش قادر ادارى حبى
و اياك تلعب بالنار
و تسيب قلبىً محتار
يا مسهرنى
أشعار كرم محمد
ليست هناك تعليقات:
إرسال تعليق