إسلام عامر ___ صرخة ندم
ماترجعيش للذكريات ماترجعيش
انسيني وانسي الأمنيات
وماتحلميش
ماتفكريش
ان ارجع تاني
يوم ليكي
مايهمنيش اني اشوف
الدمع في عنيكي
ما انا كنت معاكي
عايش ليكي
جرحتني
وهونت عليكي
واختيارك الوداع
كان بإديكي
يومها شوفت
جوه عنيكي
دنيا جديدة
وهمت فيكي
ماترجعيش
ماتعرفيش غالوتك
عندي قد ايه
وقولتلك
ماتصدقيش
اني باخونك
حلفتلك
بعدتي عني
وهجرتي قلبي
اشتقتلك
ماترجعيش
ماترجعيش للذكريات
ماترجعيش
ماتفكريش
ان ارجع
تاني يوم ليكي
ماتحلميش
مايهمنيش
اني اشوف
الدمع فى عنيكي
متسأليش
متسأليش إزاي كملت
لوحدى المشوار
متقوليش فين وعودك
ان اكمل معاكي باقي عمرك
وكل يوم تخدعيني
وتهدديني بفراقك عني
وتخوفيني من عذاب
الانتظار
حبك قلبي مش ناسيكي
وعقلي اتجنن من حبي ليكي
مش حب كان __ ده كان إنتحار
بيني وبين نفسي كتبت النهاية
واخدت القرار
وباقولك كفاية
ماترجعيش
مش هاسمع أى كلام تاني
ولا هاقبل منك أي عتاب
ولا أعذار
متسأليش
متسأليش تاني عني
وتيجي فى مكاني
ومعاكي حبي
واحزاني
وتقولي نبدأ من تاني
وتواجهيني بشوق وحنان
وتفكريني بماضي بينا
كان زمان
وارجع ليكي
تبكي عنيكي
وتوجعيني
وتألميني
وفجأة تمشي
وتسيبيني
تايه قلبي
بين جنة ونار
ماترجعيش
انا مش قد جراحك فيا
ليه تعذبيني
ليه يحلالك دمع عينيا
لو بتحبينى
انسي
انسي الماضي ماتفتكريش
قلبك من غيري
قدر يعيش
متسأليش
متسأليش إزاي كملت
لوحدى المشوار
وماترجعيش
للذكريات ماترجعيش
ماترجعيش
كلمات
إسلام السيد حسن
السيد سالم
عامر
ليست هناك تعليقات:
إرسال تعليق