أغنية...سيبنى

شاعر الوجدان الشاعر السكندري/علي الطاووس 

سيبنى كده...

و النبى سبيني...

كده جنب قلبك...

أنعم بحبك...

طالما أنك...

مش حاسس أني جنبك...

صدقني أني ح أفرح بقربك...

كل ما ح أشوفك...

مش سعيد مع اللي...

عامله نفسها بتحبك...

بتضحك أنت معاها صحيح...

بتهزر معاها أنت صحيح...

لكن كلام الحب و الغزل...

مش طالعين كده من قلبك...

ده أنت حاططهم بس كده...

علي لسانك و شفايفك...

بتجرو سوي ده صحيح...

بتسهرو سوي ده صحيح...

و هي في كل سهراتكم...

نايمه سعيده في حضنك...

و لكن أنت تملي حاسس...

بشوك يألمك بين ضلوعك...

و أنت مش حاسس..

انك فرحان بحبك...

طب بص كده عليا...

بنظره تانيه فيها حنيه...

و حط أيدك علي قلبك...

و أسمع نبضاته أيه ح تقولك...

طب مد أيدك كده...

في ايديا بسلام...

و بص في عنيا ...

و أشعر قد ايه الحنيه...

ح تسري في شراينك و دمك...

حاول تضحك كده...

علي أي كلمه مني...

و أنت ح تحس بالسعادة...

جوا نفسك...

و بتضحك من قلبك...

أسهر كده مع نفسك...

و ولع سيجارتك...

ويا فنجان قهوتك...

و أسرح بقى بعقلك...

و في سرك أسأل نفسك...

ايه الفرق بيني...

و بين اللي بتغشك...

ح تلاقي نفسك...

قايمه تجري عليا...

و تجيني و تقولي...

بحبك يا عنيا...

بس أنا ح أقولها...

انا قبلك...

علشان كده انا بقولك...

و النبي سيبنى...

كده جنب قلبك...

أنعم بحبك...

طالما أنك...

مش حاسس أني جنبك ...

و النبي سيبنى بقي...

كده جنب قلبك...

مع تحيات شاعر الوجدان الشاعر السكندري/علي الطاووس