أنا بأنتظارك
شعر الشاعر المبدع : احمد اسماعيل
انا بأنتظارك لو تغيب الدهر كله
ده انت حبيبى وربيع عمرى وفله
انت احلامى وصبايا ولهيب قلبى وظله
حضنى مفتوح لك حبيبى لو تغيب مليون سنه
ده انت بعدك ذاد لهيبى وتاه معاك فكرى انا
ياللى باحلم تكون نصيبى وادوق معاك طعم الهنا
لو تغيب الشمس ؟ عادى فى الصباح لازم تعود
حتى لو جف مدادى واختفى نور الوجود
حتى لو تخلف ميعادى لو هاعيش عمرى ف شرود
قلبى عارف فين مكانك ياللى حبك شىء اساسى
روحى مشتاقه لحنانك مستحيل راح تبقى قاسى
كل غالى يهون عشانك قلبى فاكرك وانت ناسى
قلبى على طيفك يحوم زى نجمه فى المدار
والمطر وسط الغيوم والدموع فيها انكسار
مستحيل انساك فى يوم لو مشيت عكس المسار
حبى لك لازم يدوم حتى لو طال الانتظار
شعر احمد اسماعيل / شاعر العرب
ليست هناك تعليقات:
إرسال تعليق