الشاعر المبدع : سر فاروق طرباي
حضنك صافي حضنك دافي
حضنك ليا ترياق شافي
قوي القلب وأحيي الحب
ولأحزاني قدرت أجافي
خلاني تاني أشوف النور
بعد ما كنت غريق ف بحور
وكنت كرهت خلاص الدنيا
وقلبي فيا كان مبتور
ومكنتش عايش أيام
والعيشة كانت أحلام
والأحلام كانت أوهام
والأوهام تايهه ف زحام
والدنيا كات ضلمة قصادي
وقلوب ياما كات بتنادي
وأنا قلبي كان دايما يرفض
ويقولي بلاش السكة دي
ولحد أما وقعت ف حبك
وأخدتني علي طول علي حضنك
ونستني كل اللي أنا شفته
من يومهاوأنا دبت ف قلبك
اسر فاروق طرباي
ليست هناك تعليقات:
إرسال تعليق