(مليون سلام ) للاديب الشاعر / فرج البرهامى
مليون سلام ليكي ياأمي
مني ليكي مليون سلام
يافجر شق بنوره الظلام
مهما اتكلم واقول
مايوافي حقك الكلام
ماأنتي اغلي من الحياه
كل ساجد بينادي ربه
ويدعي ليكي في الصلاه
يالي حبك دايما حاضني
لما كنت أقول الآه
يالي كنتي بتسهري
في عز الشتاء لأجل خاطري
وتنادي ربك بالدعاء
مليون تحيه ومليون سلام
لما بشوفك في المنام
لابسه توب أبيض وسط الزحام
وطريق مفتوح للجنة
بتجري فيه للامام
مليون سلام ياحته مني
فراقك ياأمي غصب عني
والقلب بعدك أصبح حطام
مليون سلام يالي ربي
وصي عليكي وطه الإمام
مليون سلام ليكي ياصابره
علي ظلم السنين من زمان
مليون سلام يالي قلبك
نبع وافر من الحنان
مليون سلام
ليست هناك تعليقات:
إرسال تعليق