أغنية
(مسكين ياقلبي)
شاعرالسويس الاديب : حربي علي
مسكين ياقلبي ياريت ماهويت
الجرح ف قلبي وياما خبيت
سهرنا الليل ف عتاب وعذاب
وطلع النهار وبقينا أغراب
وغصب عني على قلبي جنيت
مسكين ياقلبى ياريت ماهويت
جاني الحب بليالي الشوق
خلاني الحب أسعد مخلوق
إداني أماني خد كل حناني
خلاني أشتاق وأعشق خلاني
والحقيقة ملقيت غيرإني آسيت
مسكين ياقلبي ياريت ماهويت
غصب عني ياقلبى عذابك
الحب صياد وبشباكه إصطادك
ياما إترجيت الحب يسيبني
لقيت الشوق هوه الل جايبني
عداني بحور وكتير لفيت
مسكين ياقلبي ياريت ماهويت
ضاع الل ضاع من غير وداع
ومشيت ياقلبي ف دنيا الضياع
شايل جراحك وجرح قلوب
تشكى لزمانك من المكتوب
تقول للحب أنا ليه حبيت؟
مسكين ياقلبي ياريت ماهويت
(مسكين ياقلبي)
كتبتها وأنا
عندي 166 سنه
حربي علي
شاعرالسويس
وسام التميز كأفضل أغنيه تمنحه ادار المجله لنصكم
الناقد : عبدالرحمن بكرى
ليست هناك تعليقات:
إرسال تعليق