من نبضات عمدة الشعر : ابراهيم رشوان 

**************************

{ 1}

ها تروح لمين يا صابر..

و حكومتك كافره..جاحده

أرضك..صبحت مقابر..

واحد..في حضن واحده

و الدنيا لسه حطه..

رجليك فوق القضيب

في دمك..حطوا شطه..

غرزوك فوق الصليب

باصص علي المحطه..

و ما جاش لسه الحبيب

وصلت لسيدي جابر..

فاضل محطه واحده

***************

{2}

علشان جميع القرصنه..

كان السلاح في ،، ترسنه ،،

و انتي مازلتي بتعرجي

واقفه هناك تتفرجي

ما بلاش يا نايمه تهرجي

و كفايه صبر و نفسنه

************

{ 3}

شر البلية ما يضحك

يا اللي انتي أهلك شئ مضحك

تعلب فساد دايس حوضك

و وليد مشوه في مخاضك

دايما بتكدب أرصادك

مهما أقول..بيطول شرحك

للاديب الشاعر : ابراهيم رشوان