نوح بيه رنين
للاديب الشاعر الراقى : هلال جلامنة
لا تزيد الجرح جرح
كافي آهات وانين
ما يهم الميت الذبح
همه ذكريات سنين
دمع العين يفضح
نوح بيه رنين
لا ترش الجرح ملح
مجروح دون سكين
مين يكسب ويربح
من ورود ذبلانين
الم ارتفع كنه صرح
بقلبي يزيد الحنين
سهران حتى الصبح
من بين كل السهرانين
من حياتي بديت المسح
لا بسيط ولا مسكين
يمكن أقوى ع الصفح
حين أشوفك تتعذبين
حين اسمع منك الردح
من أكون لا تنسين
لا ذم بيك ولا مدح
ما بيك شي من العاشقين
ما أريد أي شرح
فرص ما عرفتي تستغلين
اجمع من زرعك الطرح
وأشوف ويش تساوين
قول شي وبيه بُح
دمع يطيح من العين
أكيد بالندم تسبح
وع أيدي تتوسلين
ما تحس بأي فرح
وتقولي اشقد تندمين
هلال جلامنة
ليست هناك تعليقات:
إرسال تعليق