كلمات للاديب الشاعر : احمدالفاتح
قالتلي يوم ستي العجوزه
كتر الزعل مالوش دا عوزه
ومش كل جرح راح ينكتب
ولا كل البشر راح تتعتب
ولا كل من عمله خير
في الاخره كله هاتتحسب
دي المساله هي في لسان
وكلمه شايله الحنان
والفقير
تفتح في وجهه الببان
وعمره ماكان الفقر عيب
العيب في ذكرك
لاي ناس في وقت غيب
المساله
مش تصغر انت غيرك
ممكن في يوم
لقلوب الناس يكون دليلك
او تذكر لبس لاي حد
بلاش تاخذها والنبي جد
من فينا معصوم من الاخطاء
اوفي يوم ماكان كلامه
شايل مجامله او رياء
وبلاش نعلق علي الكلام
من فينا كامل وبتمام
الكل عايش بس عليها
دا مره واحده والسلام
فابلاش تقول
هو وهي
اتخلي عن العاده ديا
ربك عالم دا بينا
محمد نبينا القدوه لينا
وبرغم امي
كان علامه هدايا لينا
انا مش برصصلك كلام
دا بوصف واقع
والسلام
احمدالفاتح
احساس انسان
ليست هناك تعليقات:
إرسال تعليق