مدد ياسيدى
ياصاحب بلاط الجلالة
نظرة ياسيدى
للعبيد على بلاط العبادة
الناس فى حضرة جنابك
قاعدين اهم عل البلاطة
لامية ولانور
ولاحتى رغيف عيش زوادة
حاطط سعادتك ايدك
واعصابك ف تلاجة
تخطب وتنشد
ف كيف تعالى قيمة البيادة
والناس تبوس جزمتك
ترحمهم من الضحكة الزيادة
وانت ف البسمة
بسم اللة عليك
ودبورتك بتلمع
وتعبينك بتلدغ شباب نايمين
ف عز البرد ملط
بيترمغو عل البلاطة
واقف تشاور
وتنشد ف صورتك
ووخداك على طول الجلالة
تخطط وفاكر انك
بتعمر ف بلاد الكنانة
تبنى وتشيد
بدل المدارس
خوف
والف سجن وسجن
بالسوط والجلادة
فاكر يعنى نفسك
خطيب
...
فصيح ال ف اللغة
والحقيقة انك
اخر بلادة
شايف نفسك يعنى
واد فتك ال
ف المرايا
والحقيقة
انك مش شاطر
الا ف فرد عضلاتك
على ولاد بلدنا الغلابة
تقول اة ياسلام على ضحكتى
ياماهى سكر زيادة
وندور على السكر نلاقية
غرقان ف لون التراب
ف بلاط صاحبة الجلالة
والناس خلاص
فاض بيها
اكمنها ......
راحت عل البلاطة
تقول تقشف .........
وتمص ف دم الغلابة
.....
وحضرات السادة الديابة ......
تاكل لحم الغزال
والناس من كتر ما الجوع
بيقطع ف معدتها
راح تكتب للفقر
بدل المثل امثال
ريا
وسكينة
وعبد العال......
سيرة ......
لسة الريحة فيها
بتفوح من جديد
الاسم بلد
والحقيقة
سجن كبير
بتحاوطو القضبان من حديد
خنق
ودبح
وسرقة
والموت
على كل لون يا باطسطا
تبتسم
وعنيك تقدح شرار
قاعد ف بلكونتك العالية
تبص علينا بالمنظار
والحضرة منصوبة
دايما
والسجن والسجان
ومقابر متشطبة لوكس
وكانها ف جنينة الاورمان
جنابك تزور
القرافة بالطيارة
وناس بتطلع روحها
وهى متكلبشة ف البوكس
وكالعادة
يهل علينا البيان
بان الفقيد مات ضحية الفجعة
اصلو كان بيبلع الرومان
ليست هناك تعليقات:
إرسال تعليق