أغنية...ليل الغربه
شاعر الوجدان الشاعر السكندرى/على الطاووس
ليل الغربه...
ليل طويل...
ياقلبى بيدبح...
و بعدين يبداء يوجع...
فى كل ليله وراها ليله...
بيسرق من عمرى غنوه...
غنيتها باألألم انا...
فى حب بلدى...
ورديت فيها انت ورايا...
أنت يا قلبى...
و نزلت من عينى...
بحرقه الدمعه...
و أبات ونا...
راسى على مخده...
بمسامير الفرقه...
أستنى بس نهار يطلع...
ألاقيه ليل لسه...
و ده فيه الضلمه غارقه...
و طيف بلدى...
بياخد من قلبى حبه...
أنادى و أصرخ...
و أقول...
سيبيني بقي يا غربه...
لبلادى أرجع...
دى شوفت النيل...
و القعده على شط البحر...
هما اللى فى شراييني
بالحياه ساريه...
أضم بقى أهلى...
و ناسى...
و خلانى...
و صحابى...
و رزقى فى وسيطيهم ح أسعى...
قليل بقى و لا كتير...
منا فى أحضانهم ح أدفى...
و أيد ورا أيد على بابى...
عليا كل يوم ح تسأل...
و أنتى ياغربه...
سنين و سنين...
ماحد فكر على بابى يخبط...
و لوحدى أنا و قلبى...
فى جوف الليل...
قاعدين نبكى و ننعى...
و النار فى الضلوع...
من فرقة أحبابى...
أهى فيهم أيده...
ليل الغربه...
ليل طويل...
ياقلبى بيدبح...
و بعدين يبداء يوجع...
فى كل ليله وراها ليله...
بيسرق من عمري غنو...
غنيتها انا باألألم فى حب بلدى...
ورديت فيها انت ورايا...
أنت ياقلبى...
و نزلت من عينى...
بحرقه الدمعه...
و ناس الغربه يا قلبى...
عليا لما يشوفونى تايه تضحك...
معلش يا بلدى...
معلش...
ما هما ماشموش عبير ترابك...
و لا شمسك لجلودهم لاسعه...
و لا لونهم لونى...
و لا ميتك يا بلدى...
لظامئهم كانت بتروى...
و لا شافو جدعنت أهلك...
و لا طابور مدرسه...
لتلاميذ أيديهم لعلمك رافعه...
و أصواتهم بأسمك يا بلدى ناديه...
و لا صفا و أنتباه...
و هما بيقولو...
تحيا جمهورية مصر العربيه تحيا...
تحيا جمهورية مصر العربيه تحيا...
تحيا جمهورية مصر العربيه تحيا...
حتى لو كل العرب قالو لاء...
من فوق سابع سما...
غصب عنهم...
رحمة ربك...
و رجولة شعبك...
وجيشه و الله ح تعلي...
و تحيا...
فا تحيا جمهورية مصر العربيه تحيا...
و لا شافو فلاحه...
من شط نيلك لقلتها ماليه...
و بتشرب منها شهد مكررر...
و لا فلاح بيعزق...
و الساقيه من وراه ضهره دايره...
و خير سنابله...
على ألأرض أهى طارحه...
و طالعه...
ده العالم كله منه واكله...
و لا شاف عامل قدام أفران...
حديد و صلب...
و العرق نازل منه...
و ده شرف و عزه ينكتبله...
و لا أم بترضع بالحنيه واليدها...
علشان ينمو و يكبر...
و يكون فى شبابه لبلاده فايده...
و لا جد ماسك فى أيده سبحه...
و لا أب ماسك فى يده أبنه...
و رجليهم على الكنيسه رايحه...
و لا مأزنه جانب كنيسه...
و الكل رافع أيده لربنا بيدعى...
ليل الغربه...
ليل طويل...
يا قلبى بيدبح...
و بعدين يبداء يوجع...
فى كل ليله وراها ليله...
بيسرق من عمري غنو...
غنيتها انا باألألم فى حب بلدى...
و رديت فيها انت ورايا...
أنت يا قلبى...
و نزلت من عينى بحرقه الدمعه...
و أحنا لسه بنبداء الغربه...
مع تحيات شاعر الوجدان الشاعر السكندرى/على الطاووس
ليست هناك تعليقات:
إرسال تعليق